Transcription
1
Paris. Reçue à Grenoble le 13 janvier 1573
2
Monsegneur, je vous ay escrit du penultieme ou dernier
3
du moys passé. Jestime que vous recevrés par ce pourteur
4
voz provisions pour Grane. La royne mère du roy ne se laisse pas
5
encor voir après, laquelle iattendz pour la poursuitte de voz
6
arrerages. Monsieur le vicaire vous fera part d’ung livre que je luy
7
envoye, escrit contre la feu cause. Il vous dira qui en est
8
lauteur tant par ce que ie luy en escrit que pour l’avoir cogneu
9
à Tholose d’où il est. Il est à present encor en Alemagne où il fut
10envoyé après lexecution de ceste ville du quel costé on [barré : m ] n’a rien
11
à craindre pour la guerre, s’estantz despartis les ambassadeurs
12
du comte palatin et de plusieurs autres princes protestans davec
13
monsieur le comte de Retz devers lequel ilz estoint venus à la
14
requeste et poursuitte du roy à Metz, satisfaictz de sa maiesté ;
15
de sorte que il y a homme en ceste cour de la part du comte
16
de Mansfel qui demeura general des Allemans après la mort
17
du feu duc des Deux Pontz qui presente au roy dix mil reystres
18
et dix mil lansquenetz pour le servir contre les rebelles de son
19
royaume. Il est vray que parmy cela le roy n’espargne
20
pas ses financer pour leur payement et pour leurs appoinctementz
21
et grosses pensions. Monsegneur de Nevers, monsieur le mareschal
22
de Tavannes et monsieur de Villequier partent ce jourdhuy
23
pour La Rochelle avec la plus grand part du train de Monseigneur
24
qui doibt partir après la feste des Roys, incontinent je pense
25
que la pluspart de la noblesse de France sy assemblera. Monsieur
26
de Monluc se trouvera aussi. Je vous supplie monsieur,
27
commander que mon pacquet à monsieur de la Coste luy soit
28
rendu seurement. Il ma faict beaucoup de bien. Je vous supplie
29
me faire cest honneur de len remercier. Je presente mes très humbles
30
recommandations à vostre bonne grace et de celle de monsieur de
31
La Roche. Priant Dieu,
32
monsegneur vous donner très lo[n]gue et heureuse vie.
33
De Paris, ce IIIe janvier 1573.
34
Votre très humble serviteur
35
So. de Boczosel